Anëtari i kryesisë së LDK-së, Xhafer Tahiri ka reaguar pas vendimit për shtrenjtimin e Energjisë Elektrike, nga ana e ZRrE-së.

Tahiri ka thënë se rritja e çmimit të energjisë është bërë me urdhër të kryeministrit Kurti.

“ZRrE-ja sot e ka humbur pavarësinë, dhe LDK-ja do të kërkoj shkarkimin e bordit të ZRrE-së, për shkak se ZRrE nuk ka marrë parasysh asnjë koment tjetër përveç komentit të Lëvizjes Vetëvendosje, të vetmet komente që ka marrë për bazë ZRrE janë komentet e Lëvizjes Vetëvendosje e që janë realisht urdhër i qeverisë Kurti se sa do të rritet Energjia Elektrike, prandaj sot ZRrE-ja e ka humbur pavarësinë e vetë, ka marrë një vendim të kundërligjshëm, diskriminues dhe duke i injoruar brengat e qytetarëve”, tha Tahiri.

Tutje, Tahiri tha se vendimi për shtrenjtimin e rrymës është i qeverisë Kurti.

“Jo ZRrE-ja po qeveria ka marrë vendim, propozimi është i ZRrE-sa vendimi është i qeverisë, deklaroi Tahiri në Kanal10.